Berlin Turnier

[uilly]

S'Berlin Wuchenendi isch leider scho wieder verbii. Mir händ geili Spiel gha...obwohl mer nid alli gwunne händ :-( leider hämmer de Halbfinal gäge d'Spanjoggle verlohre (2:1) und im chline Final gäge Cottbus leider au no grad verlohre...(6:4) Die zwei letschte Matches hämmer vor allem wäge blöde Pass- oder Individuelle Fähler verlohre. Zudem isch d'Chanceuswärtig au nid grad rosig gsi. Alles in Allem aber trotzdem en guete Start i die neui Saison.
S'Verhältniss zwische Turgis und Züris isch besser...lat sich aber sicher no verbessere...chan ja au nid es Team si, wenn d'Zürich immer zäme sitzed und Turgis immer zäme sitzed...bringemer no äne, bin ich überzügt...und dänn gahts ab uf Japan und de 6. Platz ghört i eus.
Aber es staht no en rächte Wäg vor eus...und wär weiss, viellicht isch denn scho bim nächste Turnier au eine vo eusne Trainer debii:-)
Gruess #8

[Pipo]

D'Spiel sind würkli all guet gsi, ich find das liit dadra, dass s'zämespiel jetzt scho relativ guet klappet nu hets glich scho recht vil fehler dinne gha vo allne, drum ja hert trainiere, und denn klappts au miteme supper geile platz!!!!

bis gas im training jugs...

[snobl]

Ja zum sieg häts leider au ned glanged...
ich find mir händ relativ guet zämä spillt und händ
au es paar schöni aktione drinn gha, nur leider häts
halt ab und zue individuelli fehler gha, womer amix
recht defür händ müssä büessä.
zfriede bini nöd so mit em 4e platz, will ich finde, mir
hettet chöne besser si.
aber alles in allem findi, chamers akzeptiere fürs 1 turnier
ide neue saison...

muss au na sege, das mich das turnier no meh motiviert
hät zum trainiere!

Japan mir chömed!!